Таласта коон – дарбыз саткан жайлар текшерилди
Ветеринардык жана фитосанитардык көзөмөл кызматынын Талас облусу боюнчарегиондук башкармалыгы, Өсүмдүктөрдү коргоо жана карантин департаменти жана ветеринардык-санитардык лабораториясы менен биргеликте Талас району жана Талас шаарында коон жана дарбыз саткан соода жайларына текшерүү жүргүзүлдү.
Айыл чарба министрлигинин маалыматына ылайык, текшерүүнүн жүрүшүндө атайын нитрат-тестерлердин жардамы менен продукциялардын нитраттык көрсөткүчтөрү текшерилди.
Ошондой эле теккөөчүлөр тарабынан продукцияларды ташуу жана сатуу учурунда ветеринардык жана фитосанитардык талаптардын сакталышы көзөмөлгө алынды.Текшерүүнүн жыйынтыгында мыйзам талаптарына жооп бербеген таңгактоочу материалдарды колдонуу жана тиешелүү уруксат документтери жок продукцияларды сатуу фактылары боюнча түшүндүрүү иштери жүргүзүлүп, тиешелүү эскертүүлөр берилди.
