Эмгек министрлигинде Франциянын өкүлү менен жолугушуу өттү
Эмгек, социалдык камсыздоо жана миграция министринин орун басары Мирланбек Байгончоков Франциянын ички иштер министринин иммиграция маселелери боюнча атайын өкүлү Патрик Стефанини менен жолугушту.
Министрликтин басма сөз кызматы билдиргендей, тараптар эмгек миграциясы тармагындагы кызматташуунун учурдагы абалын жана аны өнүктүрүүнүн мүмкүнчүлүктөрүн талкуулашты.
Өзгөчө көңүл эки өлкөнүн ортосундагы өнөктөштүктү чыңдоого жана эмгек миграциясы жаатындагы кызматташтыкты жөнгө салуучу өкмөттөр аралык макулдашууну түзүүгө бурулду.
Тараптар мындай кызматташтык эки өлкө үчүн тең пайдалуу экенин белгилеп, миграция тармагындагы байланыштарды мындан ары тереңдетүүгө кызыкдар экендиктерин билдиришти.
