Төрага 45ке жакын жаранды кабыл алды
19-июнда Жогорку Кеңештин төрагасы Марлен Маматалиев жарандарды кабыл алып, элдин көйгөйлөрүн жана сунуштарын укту. Бул тууралуу парламенттин басма сөз кызматы билдирди.
Маалыматка ылайык, кезектеги кабыл алууга 45ке жакын адам жазылган.
Жолугушуу 2 саатка созулуп, өлкөнүн ар кайсы аймактарынан келген жарандар жеке жана коомдук мүнөздөгү ар кыл маселелерди көтөрүшкөн. Анын ичинде саламаттыкты сактоо, укук коргоо жана сот тармактарына байланышкан көйгөйлөр болду. Ал эми көпчүлүгү турак жай жана жер маселелери боюнча кайрылышкан.
Айрым кайрылуулар боюнча арыздар жеринде кабыл алынып, бир катар маселелер боюнча төрага тиешелүү мамлекеттик жана муниципалдык органдардын жетекчилерине дароо телефон аркылуу байланышып, тапшырмаларды бергени айтылды.
Парламенттин басма сөз кызматынын айтымында, Жогорку Кеңештин төрагасы жарандарды кабыл алуу жолугушууларын үзгүлтүксүз өткөрүп келет.
