Ысык-Көлдө энергетиктерге 5 даана атайын техника тапшырылды
Ысык-Көл электр тармактары ишканасына 5 даана жаңы атайын техника тапшырылды. Бул тууралуу Энергетика министрлигинен билдиришти.
Маалыматка ылайык, Ысык-Көл облусунда энергетикалык тармактын материалдык-техникалык базасын чыңдоо иштери улантылууда. Анын негизинде аталган ишкананын техникалык паркы 5 даана жаңы атайын техника менен толукталып, райондук бөлүмдөрүнө жана тиешелүү кызматтарга бөлүштүрүлдү.
Тактап айтканда, Чолпон-Ата райондук электр тармагына жана Жети-Өгүз райондук электр тармагына ISUZU үлгүсүндөгү эки бригадалык автоунаа тапшырылды. Ал эми унаа жана механизация кызматына FAW үлгүсүндөгү телескоп, жүк ташуучу автоунаа жана экскаватор берилди.
Заманбап жабдуулар энергетиктердин эмгек шарттарын жакшыртып, коопсуздукту жогорулатууга жана жарык менен туруктуу камсыздоого өбөлгө болору белгиленди.
