Бишкекте чет элдик валюталардын куну төмөндөдү
Бишкектеги акча алмаштыруучу жайларда 22-июнга карата негизги чет элдик валюталардын курсу төмөндөдү. Бул тууралуу valuta.kg мониторингинин маалыматтары кабарлайт.
Саат 11:55ке карата Моссовет аймагындагы АКШ доллары 87,39 сомдон сатып алынып, 87,81 сомдон сатылууда.
Евро валютасы да арзандап, акча алмаштыруучу жайларда 99,97 сомдон сатып алынып, 100,94 сомдон сатылууда. Банктарда болсо сатып алуу - 100,80 сом жана сатуу - 100,60 сом. Улуттук банк евро курсун 100,25 сом деп белгиледи.
Коммерциялык банктарда доллардын эң жакшы курсу сатып алуу - 87,55 сом жана сатуу - 87,80 сом деңгээлинде. Улуттук банктын расмий курсу 87,450 сомго чейин төмөндөдү.
Орусия рублинин курсу Моссоветте 1,140 сом жана 1,198 сом деп катталды. Банктарда рубль 1,155 сомдон сатып алынып, 1,160 сомдон сатылууда, ал эми расмий курс 1,192 сомго чейин төмөндөдү.
