Нарында күчү 3,1 баллга жеткен жер титирөө болду
Нарын аймагында күчү 3,1 баллга жеткен жер титирөө катталганын Сейсмология институту билдирди.
Маалыматка ылайык, зилзаланын очогу Кара-Булак айылынан 12 чакырым түндүк-батышта, Баетов айылынан 45 чакырым түштүк-батышта жана Нарын шаарынан 86 чакырым түштүк-батышта жайгашкан.
Жер титирөөнүн күчү Кара-Булак жана Орто-Сырт айылдарында 2,5 баллга чейин сезилген.
Эске салсак, 19-июнда өлкө аймагында күчү 4 баллга жеткен жер титирөө катталып, анын очогу Кытайдын аймагында, тагыраагы, Нарын шаарынан 185 чакырым чыгыш тарапта жайгашканы маалымдалган.
