Таласта 6 футбол аянтчасы пайдаланууга берилди
Бүгүн Талас шаарында алты кичи футбол аянтчасы пайдаланууга берилди. Бул тууралуу шаардык мэриядан билдиришти.
Маалыматка ылайык, спорттук жайлар президенттин резервдик фондунун колдоосу менен курулган.
Жаңы футбол аянтчалары Жусуп Баласагын атындагы Кыргыз улуттук университетинин Талас институтунда, Р.Я. Рысакова атындагы №2 орто мектепте, К. Дарданов атындагы №3 орто мектепте, №5 орто мектепте, “Умму-Арран” мечитинин аймагында жана дагы бир билим берүү мекемесинде ачылды.
Талас шаарынын мэри Нургазы Асылбеков №3 орто мектепте өткөн ачылыш аземине катышты.
“Бул демилге сергек жашоо образын жайылтууга, жаштарды спортко тартууга жана алар үчүн заманбап шарттарды түзүүгө багытталган”, — деди калаа мэри.
Жергиликтүү бийлик өкүлдөрү жаңы спорт аянтчалары балдардын жана жаштардын үзгүлтүксүз машыгуусуна шарт түзөрүн белгилешти.
с
