Токмоктогу ок атуу менен коштолгон жаңжал боюнча тергөө башталды
22-июнда Токмок шаарындагы "Гавайи" эс алуу борборунун аймагында 22 адамдын катышуусунда ок атуу менен коштолгон жаңжал болду. Бул тууралуу Чүй облустук Ички иштер башкармалыгы билдирди.
Маалыматка ылайык, жаштар арасындагы пикир келишпестик алгач кайым айтышуудан башталып, кийин мушташка айланган. Андан соң катышуучулар бири-бирин унаалар менен кууп жөнөшкөн.
Күбөлөрдүн айтымында, куугунтук учурунда ок атылганы угулуп, унааларга таштар ыргытылган.
Бул факты боюнча "Бейбаштык" беренеси менен кылмыш иши козголуп, 22 адам милицияга жеткирилип, беш унаа айып короосуна токтотулду.
