Ак-Жол айылында балыкты кайра иштетүүчү ишкана ачылды
Бишкек шаарынын Ак-Жол айылында суткасына 18 тоннага чейин балыкты кайра иштетүүчү жаңы өндүрүш комплекси ишке берилди. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
“Вилби” ЖЧКсы ишке киргизген ишкана балыкты кайра иштетүү, жарым фабрикат жана даяр азыктарды чыгаруу, аларды заманбап муздаткыч кампаларда сактоо мүмкүнчүлүгүн камтыйт. Ишкананын суткалык өндүрүшү 10 тоннага чейин жетет, ал эми бир жолку сактоо көлөмү 1500 тоннаны түзөт.
Долбоордун алкагында 100гө жакын жумуш орду түзүлөт. Бул иштер ата мекендик чийки затты кайра иштетүү жана экспорттук дараметти кеңейтүү боюнча мамлекеттик милдеттерге шайкеш келет.
Долбоор Россия-Кыргыз өнүктүрүү фондунун колдоосу менен ишке ашырылганы белгиленди.
