Сулайман-Тоону калыбына келтирүүгө 12,5 млн доллар жумшалат
Сулайман-Тоону калыбына келтирүү иштерине Дүйнөлүк банк 12,5 миллион доллар бөлөт. Бул тууралуу Маданият, маалымат, спорт жана жаштар саясаты министри Мирбек Мамбеталиев 25-июндагы Жогорку Кеңештин жыйынында билдирди.
Министрдин айтымында, Дүйнөлүк банк жалпы 16 млн доллар каражат бөлүп жатат. Анын 12,5 млн доллары Сулайман-Тоону калыбына келтирүүгө, ал эми калган бөлүгү Өзгөндөгү тарыхый мунаранын жанына музей курууга жумшалат.
Мамбеталиев белгилегендей, долбоордун ишке ашуусу ЮНЕСКО менен макулдашуу иштерине байланыштуу бир аз кечеңдеген.
Жакынкы мезгилде Сулайман-Тоодогу жарыктандыруу тутуму жаңыланып, үңкүр музейи калыбына келтирилет. Ошондой эле аймакты көрктөндүрүү, жашылдандыруу иштери жүргүзүлөт.
