Ысык-Көлгө 3 млн 700 миң чабак коё берилди
Ысык-Көлдөгү балыктардын санын көбөйтүү үчүн сууга 3 млн 700 миң даана карп-сазандын чабагы коё берилди. Бул тууралуу Суу ресурстары, айыл чарба жана кайра иштетүү өнөр жайы министрлигинин басма сөз кызматы билдирди.
Иш-чараны Тоң районундагы Регионалдык аклиматташтыруу жана балык өндүрүү-өстүрүү бөлүмүнүн кызматкерлери өткөрдү. Ага Туристтик-экологиялык милициянын, Экологиялык жана техникалык көзөмөл кызматынын, ошондой эле райондук агрардык өнүктүрүү жана ветеринардык кызматтардын өкүлдөрү катышты.
Маалыматка ылайык, жалпысынан 9,3 млн даана икрадан 3,7 млн чабак өстүрүлүп, алар көлдүн бир нече балык уулоо тилкелерине кое берилди.
Мындан тышкары, дагы 1 млн даана балык Тоң балык чарбасынын көлмөлөрүндө өстүрүлүп жатат. Аларды Ысык-Көлгө күзүндө коё беришет.
