Таш-Көмүрдө архитектура башкармалыгынын жаңы имараты ачылды
Таш-Көмүр шаарында архитектура башкармалыгынын жаңы имаратынын расмий ачылыш аземи өттү. Бул тууралуу Курулуш, архитектура жана турак жай-коммуналдык чарба министрлиги билдирди.
Иш-чарага Министрлер кабинетинин төрагасы Адылбек Касымалиев жана курулуш, архитектура жана турак жай-коммуналдык чарба министри Нурдан Орунтаев катышты.
Маалыматка ылайык, жаңы имарат министрликтин материалдык-техникалык базасын чыңдоо жана архитектура тармагындагы кызмат көрсөтүүлөрдүн сапатын жогорулатуу максатында курулган. Курулуш иштери 2025-жылдын күзүндө башталган.
Жалпы аянты 271,9 чарчы метрди түзгөн эки кабаттуу имаратта жыйындар залы, күтүү залы, архив, кабылдама, "Бирдиктүү терезе" кызматы жана техникалык бөлмөлөр жайгашкан.
Заманбап талаптарга ылайык салынган жаңы имарат кызматкерлер үчүн ыңгайлуу эмгек шарттарын түзүп, жарандарга көрсөтүлүүчү кызматтардын сапатын жакшыртууга өбөлгө түзөрү белгиленди.
