Жалал-Абаддагы "Манас" сейил багы 6 млн долларга жаңыланды
Министрлер кабинетинин төрагасы Адылбек Касымалиев Жалал-Абад облусуна болгон иш сапарынын алкагында мамлекеттик-жеке өнөктөштүк аркылуу жаңыланган "Манас" сейил багын көрүп чыкты.
Жалпы аянты 5,3 гектарды түзгөн мурдагы "Жеңиш" эл алуу багы 6 миллион долларлык инвестициянын негизинде толугу менен жаңыланды. Долбоордун алкагында сейил бакка 27 заманбап аттракцион, 9D кинотеатр, балдар жана спорт аянтчалары, воркаут зонасы, амфитеатр, кафе, соода түйүндөрү жана видеокөзөмөл системасы орнотулду.
Мындан тышкары, аймак толугу менен көрктөндүрүлүп, заманбап жарыктандыруу жана сугат тутумдары жаңыртылды. Жаңыланган парк күнүнө 3 миңге чейин эс алуучуну кабыл алууга ылайыкташтырылган.
Долбоордун ишке ашырылышынын натыйжасында 100 жаңы жумуш орду түзүлүп, шаар тургундары жана коноктору үчүн заманбап эс алуу жайы пайдаланууга берилди.
