Сын-Таш айылында 64 млн сомдук спорттук комплекс курулду
Чүй облусунун Ысык-Ата районуна караштуу Сын-Таш айылында заманбап спорттук комплекс пайдаланууга берилди. Объект республикалык казынадан каржыланып, анын курулушуна 64 миллион сом жумшалды.
Курулуш, архитектура жана турак жай-коммуналдык чарба министрлигинин маалыматына ылайык, спорттук комплекс эки кабаттуу "А" жана "Б" блоктордон турат. Имараттын жалпы аянты 620 чарчы метрди түзөт.
Спорттук жайда футбол, волейбол жана баскетбол ойноого ылайыкташтырылган спорт залы, гимнастика жана күрөш залдары, машыктыруучунун, ошондой эле бардык шарттары каралган кийим алмаштыруучу бөлмөлөр каралган.
Долбоорду Турак жай-жарандык курулуш департаменти ишке ашырып, курулуш иштерин «Проф-Альянс» ЖЧКсы жүргүздү.
