Таластагы өткөрмө пункттарында жемкорлукка каршы чаралар көрүлдү
Талас облусундагы “Чоң-Капка” жана “Кызыл-Адыр” транспорттук көзөмөл пункттарында жемкорлуктун алдын алуу жана ага каршы аракеттенүү багытында жаңы шарттар түзүлдү.
Транспорт жана коммуникациялар министрлигинин маалыматына ылайык, негизги максат — салмак-габариттик текшерүү учурунда тескөөчүлөр менен айдоочулардын түз байланышын азайтуу аркылуу ачык-айкындуулукту камсыз кылуу жана жемкорлук тобокелдиктерин жоюу.
Маалыматта белгиленгендей, бул багытта транспорттук документтерди кабыл алуу жана текшерүү үчүн атайын терезечелер орнотулуп, жарандар менен кызматкерлердин ортосундагы түз байланыш азайды.
Мындай чаралар кызматтык тартипти бекемдөөгө жана кызмат көрсөтүүнүн сапатын жакшыртууга өбөлгө түзөрү белгиленди.
