Ак-Ордо конушунда бала бакча жана сейил бактар курулат
Бишкек шаарынын мэри Айбек Жунушалиев Шаардык кеңештин төрагасынын орун басары Жылдызбек Абдраимов менен биргеликте Ак-Ордо конушунун тургундары менен жолугушту.
Калаа мэриясынын басма сөз кызматы билдиргендей, Аристократ көчөсү менен Калыгул Бай уулу көчөсүнүн кесилишиндеги 1,2 гектар жер тилкесине жакын арада бала бакча жана балдар ойноочу аянтча куруу боюнча тиешелүү шаардык кызматтарга протоколдук тапшырмалар берилди.
Ошондой эле тургундардын өтүнүчтөрүнүн негизинде Көк-Жайык жана Биримдик көчөлөрүнүн кесилишинде сейил багын куруу мерчемделди.
Мындан тышкары Гагарин жана Элмирбек Иманалиев көчөсүнүн кесилишиндеги жаңы сейил бактын курулушу жакынкы күндөрү башталары айтылды.
