Бишкекте шектүүнүн көрсөтмөсүнөн кийин 1,5 килограммдан ашык маңзат табылды
Баңгизаттарды мыйзамсыз жүгүртүүгө каршы күрөшүү кызматы 20 жаштагы жигитти маңзаттарды таратууга шектүү катары кармады.
ИИМдин маалыматына ылайык, 2006-жылы туулган Ж.С.Г. аттуу шектүү жаран Бишкек шаарынын аймагында баңгизаттарды жашыруун жайлар аркылуу таратуу менен алектенип жүргөн.
Тергөө иш-чараларынын жүрүшүндө шектүү мурда даярдалган жашыруун жайларды көрсөтүп берген. Натыйжада жалпы салмагы 1 килограмм 558 граммды түзгөн ооган гашиши табылган.
Бул факты боюнча Кылмыш-жаза кодексинин 282-беренеси боюнча кылмыш иши козголуп, маңзаттар соттук-химиялык экспертизага жөнөтүлдү.
Учурда кылмышка тиешеси бар башка адамдарды аныктоо жана кармоо боюнча тергөө иштери уланууда.
