Ош шаарындагы борбордук аянт көрктөндүрүлүп, жарыктандырылды
Ош шаарында борбордук аянтты көрктөндүрүү, жашылдандыруу жана жарыктандыруу иштери толугу менен аяктады. Бул тууралуу калаа мэриясынын басма сөз кызматы билдирди.
Шаар мэринин тапшырмасына ылайык, “Оштогу көрктөндүрүү жана жашылдандыруу чарба комбинаты” муниципалдык ишканасы тарабынан аянт иретке келтирилип, көрктөндүрүлдү.
Ошондой эле “Ошсвет” ишканасы тарабынан заманбап түнкү жарыктандыруу тутуму орнотулуп, учурда ал сыноо тартибинде иштеп жатат. Бул демилге борбордук аянттын көркүн арттырып, тургундар менен коноктор үчүн коопсуз жана ыңгайлуу шарттарды түзүүгө багытталган.
Калаа бийлиги Ош шаарын көрктөндүрүү жана заманбап шаардык чөйрөнү калыптандыруу иштери мындан ары да улантыларын белгиледи.
с
