Кадамжайда Бүргөндү каналы курулууда
Бүгүнкү күндө Бүргөндү магистралдык каналынын курулушу республикалык бюджеттин эсебинен каржыланып, курулуш иштери башталды.
Кадамжай райондук админстрациясынын маалыматына ылайык, канал 1976-жылы курулган. Каналдын жалпы узундугу 31 км, ал эми суу өткөрүү мүмкүнчүлүгү 18,8 м³/секундду түзөт.
Долбоордун алкагында каналдын суу өткөрүү мүмкүнчүлүгү 18,8 м³/секунддан 30 м³/секундга чейин көбөйтүлөт.
Долбоор ишке ашырылгандан кийин 10 269 гектар сугат жердин суу менен камсыздалышы жакшырып, кошумча 2 000 гектар жаңы жер өздөштүрүлөт.
