Нарында сейил бакка 47 метрлик айланма аттракцион орнотулат
Нарын шаарынын мэри Жылдызбек Беккелдиев Муса Жусаев атындагы сейил багын калыбына келтирип, заманбап үлгүдө жасалгалоо долбоорунун жүрүшү менен таанышты. Бул тууралуу калаа мэриясынан билдиришти.
Жаңыланып жаткан паркта спорттук жана балдар оюн аянчалары, ачык асман алдындагы амфитеатр, жасалма көлмөлөр жана башка эс алуу жайлары курулат.
Мындан тышкары, Нарын шаардык мэриясынын демилгеси менен сейил бакка бийиктиги 47 метрди түзгөн айланма аттракцион орнотулууда.
Шаар башчысы курулуш иштерин жүргүзүп жаткан ишкананын өкүлдөрү менен жолугуп, долбоорду белгиленген мөөнөттө жана сапаттуу бүтүрүү боюнча тапшырмаларды берди.
с
