Таластын Арал айылында көчөттөр отургузулду
Талас районунун Арал айылында жашыл карагай менен ак кайыңдын көчөттөрү отургузулду.
Жаратылыш ресурстары, экология жана техникалык көзөмөл министрлигинин маалыматына ылайык, көчөттөрдүн аймагы мал-жандыктардан жана башка сырткы таасирлерден коргоо максатында толугу менен тосулду.
Иш-чараны "Жашыл мурас" улуттук программасынын алкагында Талас регионалдык башкармалыгы аймактын экологиялык абалын жакшыртуу жана жашыл аянттарды көбөйтүү максатында уюштурду.
Белгиленгендей, "Жашыл мурас" президенттик программасы 2022-жылы өлкөнү жашылдандыруу, токой аянттарын кеңейтүү, климаттын өзгөрүшүнүн терс таасирин азайтуу жана жарандардын экологиялык жоопкерчилигин жогорулатуу максатында башталган.
2026-жылы аталган программанын алкагында Кыргызстан боюнча 9 миллион көчөт отургузуу мерчемделген.
