Коом

Жарандарга пенсия алуу үчүн документ чогултуу талаптары азаят

Уулжан Бейшенбекова

Жарандарга пенсия алуу үчүн документ чогултуу талаптары азаят

Социалдык фонд жаш курак жана майыптык боюнча пенсияларды дайындоо иштерин автоматташтырууга багытталган тутумду ишке киргизүүгө даярдык көрүп жатат.

Мекеменин маалыматына ылайык, жаңы система жарандардын эмгек тажрыйбасы, кирешеси жана тиешелүү маалыматтарды автоматтык түрдө топтоп, пенсиянын өлчөмүн эсептеп, аны тариздөөнү жеңилдетет. Мындан ары жарандар кошумча маалымкаттарды чогултуп убара болбойт.

Жаңы тартипке ылайык, жаран пенсия курагына бир ай калганда "Түндүк" электрондук тутуму аркылуу билдирүү алат. Андан соң ал пенсиясын ала турган банкты тандап, арызын онлайн түрдө ырастайт.

Социалдык фонд жарандарды, өзгөчө пенсия курагына жакындап калгандарды "Түндүк" тиркемесине алдын ала катталууга жана жеке кабинетин активдештирүүгө чакырууда. Бул билдирүүлөрдү өз убагында алуу жана санариптик кызматтарды толук колдонуу үчүн маанилүү экени белгиленди.

Жаңы тутумдун толук ишке киргизилүүчү так мөөнөтү кошумча маалымдалат.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
Жаңылыктар биздин Телеграмм каналда

Мындан тышкары окуңуз

Терек – Чаты – Терек жолунда бир тараптуу каттам ачылды

Терек – Чаты – Терек жолунда бир тараптуу каттам ачылды

3-июлда Терек – Чаты – Терек автожолунун 5-чакырымга чейинки аралыгында жүргөн селдин кесепеттери жоюлуп, бир тараптуу каттам ачылды. Азыркы тапта тазалоо иштери уланууда.  Транспорт жана коммуникациялар министрлигинин маалымат кызматынын айтымында, Мырзаке – Кара-Кулжа – Алайкуу автожолунун 106–110-чакырымдарында сел түшкөн тилкелерде жолду кеңейтүү жана тазалоо иштери уланып жатат. Жолдорду тазалоо
Бишкекте түнкү автобустар жүрүп баштайт

Бишкекте түнкү автобустар жүрүп баштайт

3-июлда саат 23:00дөн тартып Бишкек шаарында пилоттук режимде муниципалдык түнкү автобус каттамдары иштей баштайт. Бишкек шаардык мэриясынын маалымат кызматынын айтымында, биринчи этапта №3, №16, №19, №35, №45 жана №55 каттамдары ишке киргизилет. Ар бир каттамда үчтөн автобус каттайт. Жаңы кызмат борбор калаанын тургундарын жана конокторун кечки жана түнкү
Кыргызстан менен Германия парламенттер аралык кызматташууну талкуулашты

Кыргызстан менен Германия парламенттер аралык кызматташууну талкуулашты

3-июнда Министрлер кабинетинин төрагасы Адылбек Касымалиев Германиянын парламентинин “Борбор Азия – Германия” достук тобунун депутаттары менен жолукту. Бул тууралуу өкмөттүн басма сөз кызматы билдирди. Жолугушуу Бишкектеги “Ынтымак Ордо” имаратында өтүп, анда тараптар эки тараптуу жана аймактык кызматташтык маселелерин кеңири талкуулашты. Адылбек Касымалиев Германия Европа Биримдигиндеги Кыргызстандын негизги өнөктөштөрүнүн бири экенин
Манас шаарында 6 жаңы мектеп курулуп жатат

Манас шаарында 6 жаңы мектеп курулуп жатат

Курулуш, архитектура жана турак жай-коммуналдык чарба министрлиги Манас шаарынын аймагында учурда 6 жаңы мектеп курууда. Алардын бири — Ж. Болотов атындагы №21 орто мектеп. Долбоорго ылайык, мектеп 375 окуучуга ылайыкталып, заманбап үч кабаттуу окуу корпусу, жыйындар залы жана ашкана менен камсыз болот. Имараттын жалпы аянты 2 478 чарчы метрди түзөт.