Кыргызстан менен Кытай санариптик пенсия кызматтарын талкуулады

Социалдык фонд Кытайдын Шанхай муниципалдык администрациясынын Социалдык камсыздандыруу борборунун өкүлдөрү менен пенсиялык системаны санариптештирүү боюнча жолугушуу өткөрдү.

Соцфонддун маалыматына ылайык, жолугушууда пенсияларды дайындоо жана төлөө иштерине заманбап технологияларды киргизүү, жарандар үчүн электрондук кызматтарды өнүктүрүү жана пенсиялык тутумду санариптештирүү маселелери талкууланды.

Тараптар ошондой эле санариптик чечимдерди колдонуу боюнча тажрыйба алмашып, пенсиялык кызмат көрсөтүүлөрдүн сапатын жогорулатуу багытындагы кызматташууну улантууга кызыкдар экенин билдиришти.