Бишкекте №54 мектептин жанындагы сейил бак жаңыланууда
Бишкек шаарындагы №54 орто мектебинин жанында жайгашкан сейил бакты көрктөндүрүү иштери уланууда. Бул тууралуу калаа мэриясынан билдиришти.
Маалыматка ылайык, жалпы аянты 1,3 гектарды түзгөн аймак жаңыланып, шаар тургундары үчүн заманбап жана ыңгайлуу эс алуу жайы түзүлөт.
Долбоордо эс алуу зоналары, балдар жана воркаут аянтчалары, амфитеатр, жөө жана велосипед жолдору, ошондой эле унаа токтотуучу жай каралган.
Көрктөндүрүү иштеринде учурдагы жашыл бак-дарактар сакталат. Аймакка автоматтык сугаруу тутуму орнотулуп, жаңы көчөттөр жана көрк кошкон өсүмдүктөр отургузулат. Жашылдандыруу аянты 5 миң чарчы метрден ашат.
