Ысык-Көлдөгү балдардын ден соолугун чыңдоо борборлору текшерилди
Кесиптик бирликтер федерациясынын төрагасы Мурадил Жумадилде уулу Ысык-Көл облусундагы "Ден соолук" жана "Дзержинец" балдардын ден соолугун чыңдоо борборлоруна барды.
Федерациянын маалыматына ылайык, иш сапардын жүрүшүндө лагерлердеги жатакана шарттары, балдардын тамактануусу, медициналык тейлөөсү жана коопсуздук чаралары текшерилди. Ошондой эле төрага лагердин кызматкерлери жана эс алып жаткан балдар менен жолугушту.
Маалыматка ылайык, жайда "Ден соолук" лагери 2400гө жакын, ал эми "Дзержинец" лагери 3200дөй баланы кабыл алып, өлкөнүн бардык аймактарынан келген миңдеген окуучулар эс алып, ден соолугун чыңдашат.
Кесиптик бирликтин мүчөлөрүнүн балдары үчүн "Дзержинец" лагерине 10 күндүк жолдомо 13 миң сом, ал эми "Ден соолук" лагерине 11 миң сомду түзөт.
Мурадил Жумадилде уулу балдардын коопсуз жана сапаттуу эс алуусун камсыз кылуу федерациянын негизги багыттарынын бири экенин белгиледи.
с
