Аномалдуу ысыкта жумуш убактысы кыскартылабы? Министрликтин жообу
Эмгек, социалдык камсыздоо жана миграция министрлиги өлкөнүн Эмгек кодексинде абанын аномалдуу жогорку табына байланыштуу жумуш күнүн милдеттүү түрдө кыскартуу каралбаганын билдирди.
Министрликтин маалыматына ылайык, мыйзам боюнча иш берүүчүлөр кызматкерлер үчүн коопсуз жана ден соолукка зыян келтирбеген эмгек шарттарын камсыз кылууга милдеттүү.
Министрлик өзгөчө ысык күндөрү кызматкерлердин өмүрүн, ден соолугун жана эмгекке жөндөмдүүлүгүн сактоо үчүн эмгек шарттарын мүмкүн болушунча коопсуз уюштурууга чакырды.
Буга чейин Кыргызгидромет 14–18-июль күндөрү Кыргызстандын аймагында аномалдуу ысык аба ырайы болорун эскерткен.
