“Саймалуу-Ташта” петроглифтерге жетүүнү жеңилдеткен көпүрө курулду
Жалал-Абад облусундагы “Саймалуу-Таш” мамлекеттик жаратылыш паркынын Көк-Арт өрөөнүндө жаңы көпүрө курулуп бүттү.
Мамлекеттик жаратылыш паркынан билдиришкендей, петроглифтер жайгашкан аймакка алып баруучу көпүрө көп жылдан бери көйгөй жаратып келген. Аталган объект парк тарабынан жаңыланып, туристтер үчүн коопсуз жана ыңгайлуу шарттар түзүлдү.
Көпүрөнүн ачылыш аземине райондук мамлекеттик администрациянын башчысы Нурлан Эшмукамбет уулу катышты.
Ал жаңы курулуш туристтердин коопсуздугун камсыз кылуу менен бирге аймактагы туризмди өнүктүрүүгө жана тарыхый-маданий мурастарды сактоого өбөлгө түзөрүн белгиледи.
Райондук мамлекеттик администрация долбоордун ишке ашуусуна салым кошкон “Саймалуу-Таш” мамлекеттик жаратылыш паркынын эмгек жамаатына жана демөөрчүлөргө ыраазычылык билдирди.
