Ноокатта буудай гектарынан 32,2 центнерден түшүм берүүдө
Ош облусунун Ноокат районунда кылкандуу дан эгиндерин оруп-жыйноо иштери уланууда. Учурда 1 700 гектар аянттан түшүм жыйналып, буудайдын орточо түшүмдүүлүгү гектарына 32,2 центнерди түздү.
Айыл чарба министрлигинин маалыматына ылайык, бүгүнкү күнгө карата 1 700 гектар аянттагы дан эгиндери жыйналды. Орточо түшүмдүүлүк буудай боюнча 32,2 центнерди, ал эми арпа боюнча 27 центнерди гектарынатүзүүдө.
Учурда мамлекет тарабынан дыйкандарга дизель күйүүчү май литрине 81 сомдон берилип жатат. Райондо түшүм жыйноого жалпы 36 комбайн тартылган.
Белгилей кетсек, быйыл Ноокат районунда жалпы 17 миң 594 гектар жерге кылкандуу дан эгиндери себилген. Анын ичинен 14 миң 973 гектарына буудай, 2 миң 621 гектарына арпа эгилген.
