Канттагы таштанды талаасында чыккан өрт боюнча 51 миң сом айып пул салынды
Канттагы таштанды талаасында чыккан өрт боюнча шаар мэриясына 51 миң сом өлчөмүндө айып пул салынды.
Жаратылыш ресурстары, экология жана техникалык көзөмөл министрлигинин маалыматына ылайык, буга чейин социалдык тармактарда Кант калаасынын таштанды талаасында өрт чыккандыгы тууралуу маалымат тараган.
Бул факт боюнча Экологиялык жана техникалык көзөмөл кызматынын Чүй регионалдык башкармалыгы жеринде текшерүү жүргүзгөн.
Кант шаардык мэриясы иштерди ыкчам уюштуруп, өрт толугу менен өчүрүлгөн.
