Коом

Кыргызстандан күйүүчү май алып чыгууга тыюу салынды

Сапар Акунбеков

15 июля 2026 15:38

Министрлер кабинети Кыргызстандан мунай продукцияларын алып чыгууга тыюу салды. Минкабдын 13-июлдагы токтомуна ылайык, мунайды жана мунай каражаттарын Кыргызстандан алып чыгууга тыюу салуу бардык багыттар боюнча, анын ичинде ЕАЭБ өлкөлөрүнө карата да иштейт. Бул тууралуу президенттик админстрациянын маалыматтык саясат бөлүмүнөн билдиришти.

Маалыматка ылайык, документтин мурунку редакциясы ЕАЭБдин бажы аймагынан тышкары гана алып чыгууга тыюу салган. Эми мунайды жана мунай продуктыларын автомобиль жана темир жол транспорту менен ички рынок камсыз болгонго чейин алып чыгууга тыюу салынды.

Минкаб чечими менен кайра иштетилген продукцияны милдеттүү түрдө кайра алып кирүү шарты менен нафта, мазут жана меш отунун кайра иштетүүгө бажы аймагынан тышкары чыгарууга болот. Ошондой эле транспорт каражаттарынын штаттык бактарындагы күйүүчү майды алып чыгууга да тыюу салынбайт.

Ушул эле токтом менен 2026-жылдын 25-майынан тартып 2027-жылдын 1-апрелине чейинөлкөгө автомобиль транспорту аркылуу мунай каражаттарынын айрым түрлөрүн (экологиялык отун (биоотун), жеңил жана орто дистилляттар (бензин жана дизель отуну — ред.), керосин, газойлдор, газохол, газолин, стабилдүү газ композити, нафта, нефрас, бензанол, меш отуну) алып кирүүгө уруксат берилди.

Мамлекеттик бажы кызматына жана Чек ара кызматына мыйзамсыз алып чыгуунун алдын алууга багытталган чараларды көрүү тапшырылды.

Бул токтом расмий жарыяланган күндөн тартып күчүнө кирет.

Мындан тышкары окуңуз

Кызыл-Кыяда курулуш талаптарын бузган жеке ишкерге чара көрүлдү

Баткен облусунун Кызыл-Кыя шаарында жеке менчик жер тилкесинде салынып жаткан эки кабаттуу соода борборунун курулушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинин басма сөз кызматы билдирди. Маалыматка ылайык, Кулатов көчөсүндө жайгашкан объекттеги иштер тиешелүү уруксат берүүчү жана долбоордук документтер таризделбестен жүргүзүлгөн. Жер казууда

Тоголок Молдо көчөсүнүн бир бөлүгү унаа кыймылы үчүн жабылат

Бишкекте 11-августта Тоголок Молдо көчөсүнүн Фрунзе көчөсүнөн Абдымомунов көчөсүнө чейинки бөлүгү унаа кыймылы үчүн убактылуу жабылат. Калаа мэриясынын билдиришкендей, аталган тилкеде бул убакта курулуш иштери жүргүзүлөт. Ал эми Фрунзе жана Панфилов көчөлөрүнүн кесилиши кайрадан унаалар үчүн ачылат. Мэрия айдоочуларды жол кыймылындагы убактылуу өзгөрүүлөрдү эске алып, жол белгилеринин талаптарын так

Ошто 13,5 млн еврого эне-балага арналган медициналык борбор курулуп жатат

Ош шаарында эне-бала саламаттыгын коргоого багытталган Перинаталдык борбордун курулушу башталды. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, долбоор Германиянын өнүктүрүү банкынын (KfW) 13,5 млн евро өлчөмүндөгү гранттык каражатынын эсебинен ишке ашырылууда. Аталган борбор 249 орунга ылайыкталып, кош бойлуу аялдарга, төрөттөн кийинки энелерге жана ымыркайларга

Валюталардын бүгүнкү курсу: юань өстү, доллар өзгөргөн жок

Улуттук банк 8-августка карата валюталардын расмий курсун жарыялады. Ага ылайык, доллардын курсу өзгөрүүсүз, тагыраагы 87,4500 сом бойдон калды. Евро 100,9435 сомдон 100,7730 сомго түшүп, 0,17%га төмөндөдү. Ал эми рублдин курсу 1,0652 сом деп белгиленип, 1,36%га түштү. Теңге болсо 0,1871 сомдон