Түнкү рейд: 36 өспүрүмдүн ата-энесине коопсуздук боюнча маалымат берилди
Манас шаарында 14-июлдан 15-июлга караган түнү өспүрүмдөр арасында укук бузуулардын алдын алуу максатында "Өспүрүм түн" аталышындагы рейд өттү.
Калаа мэриясынын маалыматына ылайык, иш-чарага тиешелүү мекемелердин өкүлдөрү катышып, жашы жете элек өспүрүмдөрдүн коопсуздугун камсыздоо боюнча текшерүүлөр жүргүзүлдү.
Белгиленгендей, иш-чаранын максаты — өспүрүмдөрдүн түнкү убакта көңүл ачуучу жана компьютердик оюн-зоок жайларында көзөмөлсүз жүрүүсүнө жол бербөө.
Жыйынтыгында 36 өспүрүм ички иштер бөлүмүнө жеткирилип, алардын ата-энелерине түшүндүрүү иштери жүргүзүлдү.
Мэрия ата-энелерди балдарынын коопсуздугуна көңүл буруп, бош убактысын туура пайдалануусун көзөмөлдөөгө чакырды.
