Заманбап Эл аралык университетинин проректору коррупцияга шектелип кармалды
УКМК жогорку билим берүү системасындагы коррупцияга каршы күрөшүү аракеттеринин алкагында Манас шаарындагы Заманбап Эл аралык университетинде коррупциялык учурду аныктады.
Маалыматка карганда, коррупцияга каршы күрөшүү аракеттеринин алкагында Заманбап Эл аралык университеттин айрым окутуучулары жана проректору кылмышка шектелүүдө. Каражаттар ар кандай шылтоолор менен, анын ичинде бааларды тапшыруу, тесттерге жана экзамендерге кирүү, аралык жана жыйынтыктоочу баалоодон ийгиликтүү өтүү жана окуу процессине байланыштуу башка маселелерди чечүү үчүн системалуу түрдө чогултулган.
Чогултулган материалдардын негизинде Кылмыш-жаза кодексинин 342-беренеси (пара алуу) боюнча кылмыш иши козголду.
Мекемеде бир катар тергөө жана ыкчам иш-чаралар жүргүзүлдү. Бул иликтөөлөрдүн жыйынтыгында университеттин проректору Э.Н. кармалып, Кылмыш-жаза процессуалдык кодексинин 96-беренесине ылайык, Улуттук коопсуздук боюнча мамлекеттик комитетинин убактылуу кармоочу жайына камалды.
