Миң-Кушта көмүрдү жууй турган завод курулууда
Нарын облусунун Миң-Куш аймагында көмүрдү жууп, сапатын жакшыртуучу заманбап заводдун курулушу кызуу жүрүп жатат. Бул тууралуу “Кыргызкөмүр” ишканасынан билдиришти.
Маалыматка ылайык, курулуш иштери ушул жылдын октябрь айында аяктоо пландалууда. Завод ишке кирген соң көмүрдү кайра иштетүү тармагында жаңы мүмкүнчүлүктөр ачылып, жергиликтүү тургундар үчүн жаңы жумуш орундарын түзүүгө, ошондой эле атамекендик көмүрдүн сапатын жогорулатууга шарт түзүлөт.
Мындай өндүрүш объектилери өлкөнүн өнөр жай потенциалын чыңдоого жана импортту азайтууга өз салымын кошору күтүлүүдө.
