Бишкекте 6 жаранга муниципалдык батирлердин ачкычтары тапшырылды
17-июлда Бишкек шаарынын мэриясынын жыйындар залында турак жай шарттарын жакшыртууга муктаж болгон жарандарга муниципалдык батирлердин ачкычтарын тапшыруу аземи өттү.
6 жаранга батирлердин ачкычтарын мэр Айбек Жунушалиев тапшырды. Алар Кыргыз турак жай мыйзамдарына ылайык убактылуу пайдаланууга берилди.
Калаа башчысы жаңы батирлердин ээлерин куттуктап, өз алдынча турак жайга ээ болуу жашоодогу маанилүү баскычтардын бири экенин белгиледи.
"Муниципалитеттин өз милдеттенмелери бар. Мүмкүнчүлүктөрдүн чектелүү экенине карабастан, биз аларды аткарууну улантып жатабыз жана бүгүн колдоого муктаж болгондорго жардам берүү үчүн колдон келгендин баарын жасоого аракет кылуудабыз", - деди Айбек Жунушалиев.
Белгилей кетсек, мамлекеттик турак жай саясатынын негизги багыттарынын бири — жарандарды жеткиликтүү турак жай менен камсыз кылуу.
