Ош шаарында 8 кабаттуу мейманкана ачылды
Ош шаарында 8 кабаттуу “Rayan” мейманканасы расмий түрдө ачылды. Бул тууралуу калаа мэриясынан билдиршти.
Маалыматка ылайык, жаңы мейманканада коноктор үчүн бардык шарттар каралган. Ыңгайлуу бөлмөлөр, жыйын залы, ресторан жана эс алуу жайлары жайгашкан.
Ачылыш аземине мэр Жанар Акаев катышып, мейманкананын жамаатын жаңы ишинин башталышы менен куттуктады.
Шаар башчысы акыркы жылдары Ошко инвестиция тартуу багытында иштер күчөп, шаарга кызыккан инвесторлордун саны көбөйүп жатканын белгиледи.
"Инвесторлорду тартуу жана туризмди өнүктүрүү багытындагы иштер ыраттуу жүргүзүлүүдө. "Rayan" мейманканасынын ачылышы мунун ачык мисалы. Ош шаары ири инвестициялык долбоорлор үчүн ыңгайлуу жана коопсуз аймак экенин көрсөтүп жатабыз", - деди Жанар Акаев.
Жаңы мейманкананын ишке кирсе, калаада жаңы жумуш орундарын түзүлүп, кызмат көрсөтүү тармагын жана туристтик мүмкүнчүлүктөр кеңейтилери айтылды.
