Тогуз-Торо районунун 90 жылдыгы белгиленип, 90 иш-чара өткөрүлдү
Жалал-Абад облусунун Тогуз-Торо районунда түзүлгөндүгүнүн 90 жылдык мааракеси салтанаттуу белгиленди. Мааракеге карата райондо жалпысынан 90 иш-чара уюштурулду. Бул тууралуу облустун мамлекеттик администрациясынан билдиришти.
Салтанатка Жогорку Кеңештин төрагасы Марлен Маматалиев, президенттин Жалал-Абад облусундагы ыйгарым укуктуу өкүлү Тилек Текебаев, жергиликтүү бийлик өкүлдөрү жана район тургундары катышты.
Мааракенин жүрүшүндө, куттуктоо сөзүн айтып жатып - Тилек Текебаев өлкөдө ишке ашырылып жаткан ири инфраструктуралык долбоорлор райондун транспорттук, энергетикалык жана логистикалык мүмкүнчүлүктөрүн кеңейтүүгө шарт түзүп жатканы белгиледи.
Анын айтымында, райондун өнүгүүсү үчүн Кытай–Кыргызстан–Өзбекстан темир жолунун курулушу, Жалал-Абад–Балыкчы альтернативдүү автожолу жана Казарман ГЭСтер каскады өтө маанилүү.
Билдирүүгө караганда, учурда Тогуз-Торо районунда 27 миң 600гө жакын адам жашайт.
