Бишкектин айрым аймактарында 21-июлда суу убактылуу өчүрүлөт
Бишкектин айрым аймактарында 21-июлда 09:00дөн 18:00гө чейин турак жайларга, мектептерге, бала бакчаларга, саламаттык сактоо мекемелерине жана башка социалдык-өндүрүштүк объектилерге ичүүчү суу убактылуу берилбейт. Бул тууралуу мэриянын басма сөз кызматы билдирди.
Суу өчүрүлө турган аймак:
Маевка айылы: Скворцов көчөсү - Шаттык көчөсү - Чүй-39 көчөсү - Түлөбердиев көчөсү - Жапаров көчөсү - Жаңылык көчөсү.
Белгиленгендей, суунун убактылуу токтотулушу "Өмүр Булагы Елена" суу топтомосундагы оңдоп-түзөө жана алдын алуу иштерине байланыштуу.
"Бишкексууканал" ишканасы тургундарды жана мекеме-уюмдарды ичүүчү сууну алдын ала камдап алууга чакырды.
Ошондой эле, пландуу жана авариялык суу өчүрүүлөр тууралуу өз убагында маалымат алып туруу үчүн "Менин шаарым" тиркемесин пайдалануу сунушталат.
