Ош шаарында 815 батирлүү ипотекалык турак үйдүн курулушу башталды
Ош шаарынын Көчкөнөв көчөсүндөгү №135 даректе муниципалдык ипотекалык ишкана кура турчу көп батирлүү турак үйдүн курулушуна мезгил кутусун салышты. Бул тууралуу калаа мэриясынан билдиришти.
Иш-чарага Ош шаарынын мэри Жанар Акаев, Ош шаардык кеңешинин төрагасынын орун басары Ниязбек Нурбаев, шаардык кеңештин депутаттары жана жергиликтүү тургундар катышты.
Белгиленгендей, долбоорду муниципалдык ипотекалык ишкана ишке ашырууда. Жалпы 19 блоктон турган 6 кабаттуу турак үйдө 815 батир курулат. Алардын ичинен:
1 бөлмөлүү — 246 батир;
2 бөлмөлүү — 494 батир;
3 бөлмөлүү — 75 батир.
Мындан тышкары, имараттын биринчи кабатында коммерциялык жайлар, балдар бакчасы жана унаа токтотуучу жайлар жайгаштырылат.
с
