Бишкек – Нарын – Торугарт жолунунун жээгине таштанды урналары коюлууда
№10 Жол тейлөө мекемеси тарабынан республикалык маанидеги Бишкек – Нарын – Торугарт унаа жолунун 137-чакырымында жана Балыкчы – Ананьево –Каракол унаа жолунун 28-чакырымында таштанды салуучу урналар орнотулууда.
Транспорт жана коммуникациялар министрлигинин маалымат кызматынын айтымында, аталган иштер жол боюндагы санитардык тазалыкты камсыз кылуу, айлана-чөйрөнү коргоо жана жол жүрүүчүлөр үчүн ыңгайлуу шарттарды түзүү максатында жүргүзүлүүдө.
Министрлик жол жүргүнчүлөрүнөн таштандыларды атайын орнотулган урналарга таштап, тазалыкты сактоого чакырат.
