Чаткалдагы Чаарат кенин өздөштүрүү боюнча талкуу болду
Жаратылыш ресурстары, экология жана техникалык көзөмөл министрлигине караштуу Кыргыз геология кызматында “Чаарат ЗААВ” ЖАКынын өкүлдөрү менен жумушчу жолугушуу болуп өттү. Бул тууралуу аталган министрликтен билдиришти.
Жолугушуунун жүрүшүндө компаниянын өкүлдөрү Жалал-Абад облусунун Чаткал районунда жайгашкан Чаарат кенин өздөштүрүү долбоорунун учурдагы абалы тууралуу маалымат берип, долбоорду мындан ары ишке ашыруу үчүн мамлекеттик органдардын көмөгүн талап кылган маселелерди белгилешти.
Жолугушуунун жыйынтыгында Кыргыз геология кызматы өзүнүн ыйгарым укуктарынын алкагында кенди мындан ары өздөштүрүүгө байланышкан маселелерди чечүүгө зарыл болгон көмөк көрсөтүүгө даяр экендигин билдирди. Тараптар долбоорду ишке ашырууу үчүн зарыл болгон конкреттүү чараларды аныктоо багытында биргелешкен ишти улантууга макулдашышты.
“Чаарат” долбоорун ишке ашыруу инвестицияларды тартуу, жаңы жумуш орундарын түзүү, салыктык түшүүлөрдү көбөйтүү жана Чаткал районунун, ошондой эле Жалал-Абад облусунун социалдык-экономикалык өнүгүүсүнө олуттуу салым кошот.
