Кадамжайдагы эс алуу жайларында өрт коопсуздугу боюнча маалымат берилди
"Ак-Кайың" жана "Гауян" эс алуу жайларында өрт кырсыктарынын алдын алуу боюнча иш-чара өттү. Бул тууралуу Кадамжай райондук мамлекеттик администрациясы билдирди.
Маалыматка ылайык, иш-чара Кадамжай райондук Өзгөчө кырдаалдар бөлүмүнүн жана Үч-Коргон токой чарбасынын кызматкерлери тарабынан уюштурулду.
Анын алкагында эс алуу жайларынын ээлерине жана эс алууга келген жарандарга өрт коопсуздугунун эрежелери боюнча түшүндүрүү иштери жүргүзүлдү.
Кызматкерлер от жагууда коопсуздук талаптарын так сактоо, күйүүчү калдыктарды көзөмөлсүз калтырбоо, айлана-чөйрөгө этият мамиле кылуу жана өрт чыгуу коркунучун жаратуучу аракеттерге жол бербөө зарылдыгын эскертишти.
Ошондой эле өзгөчө кырдаал жаралган учурда дароо тиешелүү кызматтарга кабарлап, коопсуздук эрежелерин сактоо ар бир жарандын жоопкерчилиги экени белгиленди.
м
