Ошто 700 орундуу "Оксфорд" мектебинин курулушуна мезгил кутусу салынды
Ош шаарында Oxford International School билим берүү комплексинин курулушуна мезгил кутучасы салынды. Бул тууралуу калаа мэриясынын басма сөз кызматы билдирди.
Маалыматка ылайык, иш-чарага шаар мэри Жанарбек Акаев катышып, жаңы окуу жай шаардагы билим берүү тармагын өнүктүрүүгө жана окуучулар үчүн заманбап шарттарды түзүүгө багытталган маанилүү долбоорлордун бири экенин белгиледи.
Долбоордун алкагында Ашимахунов көчөсүндө 700 орундуу мектеп жана 140 орундуу бала бакча курулат. Билим берүү жайында заманбап окуу класстары, лабораториялар, китепканалар, спорт залдар, чыгармачылык борборлор жана ачык спорттук аянтчалар болот.
Калаа башчысы билим берүүнүн сапатын жогорулатуу жана жаш муундар үчүн ыңгайлуу шарттарды түзүү багытындагы иштер мындан ары да улантыларын белгиледи.
