2025-жылы жол кырсыгынан 900 адам каза болгон
Саламаттык сактоо министри Дамир Осмонов жетектеген делегация Нью-Йорк шаарындагы Бириккен Улуттар Уюмунун штаб-квартирасында өтүп жаткан жол кыймылынын коопсуздугун жогорулатуу маселелери боюнча БУУнун Башкы Ассамблеясынын жогорку деңгээлдеги жыйынына катышууда. Жыйындын пленардык отурумунда министр Кыргызстандын атынан расмий баяндама жасады. Бул тууралуу аталган минстрликтен билдиришти.
Дамир Осмонов жарандардын өмүрүн сактоо жана жол-транспорт кырсыктарынан келип чыккан жаракаттарды азайтуу Кыргызстандын мамлекеттик саясатынын артыкчылыктуу багыттарынын бири экенин белгилеп, бул өлкөнүн туруктуу өнүгүүсү жана адамдык потенциалын сактоо менен түздөн-түз байланыштуу экенине токтолду.
Министр улуттук статистиканын кооптуу көрсөткүчтөрүн келтирди. 2025-жылы республика боюнча 8 миң 456 жол-транспорт кырсыгы катталып, анын кесепетинен 900 адам каза болуп, 12 миңден ашуун жаран ар кандай жаракаттарды алган.
