6 медициналык колледж аккредитациядан өткөн жок
Саламаттык сактоо министрлиги тарабынан Кыргызстанда биринчи жолу медициналык колледждер мамлекеттик аккредитациядан өткөрүлдү. Бул тууралуу аталган министрликтен билдиришти.
Текшерүүнүн жыйынтыгында төмөнкү окуу жайлар аккредитациядан өтпөй калган.
№1 Медико-фармацевтикалык колледжи;
Ысык-Көл медициналык-стоматологиялык колледжи;
Кочкор-Ата регионалдык колледжи;
Токтомаматов атындагы Эл аралык университеттин илимий-өндүрүштүк комплекси (“Медайымдык иш», «Дарылоо иши”);
“Авиценна” Эл аралык медициналык университетинин медициналык колледжи;
“Уникум” Кыргыз медициналык-социалдык колледжи.
Министрлик аккредитациянын максаты –медициналык билим берүүнүн сапатын жогорулатуу, окуу программаларын заманбап талаптарга шайкеш келтирүү жана коомдун медициналык билим берүү системасына болгон ишенимин бекемдөө экендигин белгилешти.
