Нарын шаарына автотронспорт көпүрө куруу пландалууда
Нарын шаарынын мэри Жылдызбек Беккелдиев Нарын шаардык Кеңешинин депутаттарына отчет берип, 6 айдын жыйынтыгы менен мамлекеттик бюджеттин аткарылышы, салык төлөмдөрүн чогултуу, инфраструктаралык, социалдык долбоорлордун аткарлышы, курулуштардын жүрүшү, кышка даярдык көрүү боюнча программалары менен тааныштырды. Бул тууралуу Нарын шаардык мэриясынан билдиришти.
Шаар башчысы учурда келечектүү долбоорлорду ишке ашыруу максатын коздөп жаткандыгын билдирди. Саркынды суу тазалоо жайынын курулушу менен саркынды суу тутумуна кошулуучу жашоочулардын санын көбөйтүп, дагы канализация тутумун куруу боюнча долбоорлорду пландоо, таза суунун тартыштыгын алдын алуу, жарандардын турак жайга муктаждыгын чечүүнү көздөөдө.
Ошондой эле борбордук базар аймагын иреетке келтирүү үчүн курулуш базарын шаардын четине жылдырып, Москва чөлкөмү менен байланыштырган дагы бир автотранспорт көпүрөсүн куруу пландалууда.
