Бишкектин 12-кичи районунда суу убактылуу өчүрүлөт
23-июлда саат 09:00дөн 20:00гө чейин турак үйлөрдө, мектептерде, мектепке чейинки билим берүү мекемелеринде, саламаттыкты сактоо объекттеринде, ошондой эле башка социалдык-турмуштук жана өнөр жай багытындагы объекттерде ичүүчү суу берүү токтотулат.
Бишкек шаардык мэриясынын маалыматына ылайык, 12-кичи райондун аймагында суу өчүрүлөт. Диаметри 300 мм болгон суу түтүгүн көчүрүү иштеринин жүргүзүлүшүнө байланыштуу cуу берүү убактылуу токтотулат.
“Бишкексууканал” муниципалдык ишканасы шаар тургундарын жана мекеме-ишканаларды алдын ала ичүүчү суу камдап алууга чакырат.
“Менин шаарым” тиркемесин жүктөп алып, ичүүчү суунун пландуу жана авариялык өчүрүүлөрү тууралуу билдирмелерди алып турса болот.
