Соттуулугу жоюлган жарандар мамлекеттик кызматка кабыл алынбайт
Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин директорунун орун басары Бактыгүл Үсөналиева маалыматтык жыйында, мамлекеттик кызматка талапкердин соттуулугу жоюлган же алынганына карабастан, ал тууралуу маалымат милдеттүү түрдө эске алынарын белгиледи.
2024-жылдын 31-декабрындагы мыйзамга ылайык, мамлекеттик же муниципалдык кызматтын кызыкчылыгына каршы кылмыш иши козголгон адам, соттуулугу жоюлганына же алынганына карабастан, ошондой эле кылмыш иши реабилитациялоочу эмес негиздер менен токтотулган болсо да, мамлекеттик кызматка кабыл алынбайт.
Мындан тышкары, бул талаптар аскер кызматкерлерине жана укук коргоо органдарына да тиешелүү.
Аскердик кызматка же укук коргоо органдарына ишке кабыл алууда талапкердин жакын туугандары тууралуу маалымат, ошондой эле алардын соттуулугунун бар же жок экендиги жөнүндө маалымкат талап кылынат.
