Германияда ишсиз калган кыздар боюнча Тышкы иштер министрлиги жооп берди
Тышкы иштер министрлиги жалпыга маалымдоо каражаттарында жана социалдык тармактарда Samara Academy уюмунун программалары аркылуу Германияга барган Кыргызстандын жарандарына байланыштуу жаралган жагдай тууралуу тарап жаткан маалыматтарга байланыштуу билдирүү таратты.
Тышкы иштер министрлигинин маалыматына ылайык,министрлик Кыргызстандын Германиядагы элчилиги менен биргеликте жарандардын укуктарын жана мыйзамдуу кызыкчылыктарын коргоонун алкагында зарыл болгон консулдук-укуктук көмөк көрсөтүү боюнча тиешелүү чараларды көрүү максатында жаралган кырдаалдын бардык жагдайларын тактоо иштерин жүргүзүүдө.
Эске салсак, кыргызстандык 150гө жакын кыз Германияга иштөө-саякаттоо программасы аркылуу барып, оор кырдаалга туш болушканын айтышкан.
