"Баластан” борбору ишке кирсе, Таласта 500гө жакын жумуш орду түзүлөт
Талас шаарында курулуп жаткан "Баластан" балдарды өнүктүрүү жана оюн-зоок борбору ачылгандан кийин 500гө жакын жаңы жумуш орду түзүлөт. Бул тууралуу президенттин Талас облусундагы өкүлү Эрмат Жумаев билдирди.
Анын айтымында, учурда борбордун курулуш иштери 70%га аяктап, иштер белгиленген тартипте жүрүп жатат.
Борборду Кыргызстандын эгемендүүлүгүнүн 35 жылдыгына арналган иш-чаралардын алкагында ачуу мерчемделген.
Жалпы аянты 6,5 гектарды түзгөн комплекс 9 корпустан турат. Анда соода борборлору, боулинг, кинотеатр, балдар үчүн оюн аянтчалары, робототехника борбору, заманбап музей жана башка кызмат көрсөтүү жайлары орун алат.
Ошондой эле комплексте заманбап аттракциондор, ден соолугунун мүмкүнчүлүгү чектелген балдар үчүн атайын оюн аянтчалары, жыйындар залы, коомдук тамактануу жайлары жана үй-бүлөлүк эс алуу үчүн бардык шарттар каралганы айтылды.
