Таласта бизнес чөйрөсүндө мыйзамдуулукту камсыз кылуу маселеси талкууланды
Талас облусунун прокуратурасында Ишкерлердин жана инвесторлордун укуктарын коргоо боюнча консультативдик кеңештин кезектеги жыйыны өттү.
Башкы прокуратуранын басма сөз кызматы билдиргендей, иш-чарага жергиликтүү мамлекеттик органдардын өкүлдөрү, Салык кызматынын, Экологиялык жана техникалык көзөмөл кызматынын, архитектуралык-курулуш көзөмөлүнүн, санитардык-эпидемиологиялык көзөмөл кызматтарынын өкүлдөрү, ошондой эле жеке ишкерлер катышты.
Жыйындын жүрүшүндө аймактагы ишкердикти өнүктүрүү, инвестициялык климатты жакшыртуу жана бизнес чөйрөсүндө мыйзамдуулукту камсыз кылууга байланышкан актуалдуу маселелер талкууланды.
Мындан тышкары, прокуратура тарабынан ишкерлер менен инвесторлордун мыйзамдуу укуктарын жана кызыкчылыктарын коргоо багытында жүргүзүлүп жаткан иштер жана көрүлүп жаткан чаралар тууралуу маалымат берилди.
